Sitat

“Rapsgubbene” av Karin Brunk Holmqvist

 photo Rapsgubbene_zpsmvli5h9h.jpg

Albert og Henning er eit par brødrer og ungkarer som bur saman i barndomsheimen deira. Dei er godt kjend i bygda, då dei er litt eksentriske. Dei lev med moras stemme i øyra, som fortel dei om å sove med sokkar, eller vaske seg i øyra. På gården deira er det ein rapsåker, og ut av det blå dukker det opp spor av romvesen der! Media dukker opp og invaderer oppkjørslen og hagen deira. Når kjem dei til å få tilbake det rolege livet sitt? Og … romvesen???

Bok nummer to av Karin Brunk Holmqvist er like god som den første! God underholdning, med mykje latter på kjøpet.

Forlag: Silke
Utgivelsesår: 2010

Fleire bøker av Karin Brunk Holmqvist finn du HER.

Sitat

“Villa Serena” av Domenica de Rosa

 photo Villa Serena_zpsp4guxkvc.jpg

Eg kan starte med å seie at eg aldri har vore i Italia, men etter å ha lest denne boka kjennest det litt slik ut likevel. Vi får bli kjent med det ekte, lokale i Italia, og ikkje berre turistversjonen. Boka var varm og flott, ei glede å lese!

Historia starter med at mannen til Emily ber om skilsmisse i ein sms. Emily sit no i Italia med tre born, eit dyrt hus og totalt isolert frå lokalsamfunnet. Litt etter litt vert ho teken inn i varmen, blir kjend med presten i byen, får vener og møter ein arkeolog. Vi følgjer også dei tre borna hennar, som alle slit med sitt.

Og så kjem sjokket. Det var eit par foruroligande episoder gjennom heile boka, som at guten på tre opplev at ein mann besøker han om natta. Og når det var rundt ti sider igjen, endra historia seg totalt og komplett uventa. Eg satt heilt i sjokk, og fatta ikkje korleis det kunne kome ei ny konflikt og løysing med berre nokre fåtals sider att. Og herre, eg satt med hjartet i halsen!! Mykje spenning på få sider. Ei flott bok som ein verkeleg kan ta seg bryet med å lese.

Forlag: Juritzen
Utgivelsesår: 2011

Fleire bøker av Domenica de Rosa finn du HER.

Sitat

“Potensgiverne” av Karin Brunk Holmqvist

 photo Potensgiverne_zpsmv81pyiy.jpg

Eg er fan av svensk litteratur, det er ein spesiell type sarkastisk og samstundes koseleg humor. Eller er det berre eg som føler det slik? Eg elsker i alle fall alle bøkene til Karin Brunk Holmqvist, og debuten “Potensgiverne” er så klart ei av dei beste.

Boka handler om systrene Tilda og Elida, som lev eit fredeleg pensjonistliv på landsbygda i Sverige. Dei er nøgde med eit roleg, gamaldags liv med utedo. Heilt til Alvar flytter inn i nabohuset. Og sjarmerer damene i senk. Plutseleg kjøper dei seg nye klede, dei krøller håret, og dei må skaffe seg innlagt do. For det har Alvar. Men for å få råd til ein innlagt do, så treng dei pengar. Og nød lærer naken kvinne å spinne, så dei finn opp eit potensmiddel. Samstundes ynskjer veslebroren deira at dei skal flytte på gamleheim så han kan ta over barndomsheimen som sommarhus, og har sine eigne problem med kona. Som potens.

Tårene trillar, og boka er god lesning frå side til side. Det er jo ikkje ei bok få har lest, og færre har høyrd om, men det er verkeleg ikkje vanskeleg å skjøne kvifor.

Forlag: Silke
Utgivelsesår: 2009

Fleire bøker av Karin Brunk Holmqvist finn du HER.

Sitat

“Indias datter” av Shilpi Somaya Gowda

Boka er sponsa av BOKeksperten.no

 photo Indias datter_zpsf2iywl1c.jpg

Boka startar på åttitalet i India med Kavita Merchant, som føder sin fyrstefødde. Ei dotter. Mannen Jasu tek bornet og set det ut i skogen. Dei har ikkje råd til ei dotter. Andre gongen Kavita føder er det også ei dotter. Kavita ber Jasu om nokre timar åleine med barnet før det skal drepast. Desse timane brukar ho på å gå til Bombay og levere dottera Usha til ein barneheim.

På den andre sida av verda, i San Fransisco, opplever Somer endå ein spontanabort. Ho kan ikkje få barn. Ho og mannen Krishnan bestemmer seg for å adoptere frå India, der Krishnan kjem i frå. Jenta dei vel er kalla Asha.

Boka strekkjer seg over 20 år, og ein får innblikk i Indias kultur, kor enn barbarisk den enn måtte vere til tider. Det nye livet til Kavita, det nye livet til Somer etter at Asha blei ein del av det. Når ho er 20 år reiser Asha til India for å finne ut kvar ho kjem i frå. Boka er vakkert skiven, på den måten at kvart einaste ord er ærlig. Enkelte hendingar er så grusomme at ein får tårer i auga. Innblikka i den indiske slummen gir sterke inntrykk, og ein må klype seg i armen for å fatte at dette skjer i den verkelege verda.

Boka er sterk, den er grusom, og den er varm. Den anbefalast av heile mitt hjarte.

Forlag: Juritzen
Utgivelsesår: 2013

Sitat

“Naken i hijab” av Gunn Marit Nisja

 photo Naken i hijab_zpspt2utv2m.jpg

Wow. Herrefred, wow. Eg satt med hjartet i halsen og heldt pusten medan eg las denne romanen. En perfekt page-turner! Eg klarte ikkje legge den i frå meg eit sekund, heile greia forsvant iløpet av ein dag.

I boka møter vi Live, som er reist på ferietur med venninna si til ein liten by i Egypt. Der møter dei Kareem, og Live forelsker seg hodestups i denne kjekke egypteren med svarte krøller. Ho held kontakta med han etter at ho er komen tilbake til Noreg, og ender opp med å reise på besøk til han. Før det har gått mange dagar, er dei gift. Live er lukkeleg, lærer seg arabisk og blir kjend med familien hans. Ho vert gravid, og dei skal flytte til Noreg før fødselen. Men så går det gale. Kareem vil ikkje reise, han vert valdeleg, ho blir tvungen til å gå i hijab og halde seg innandørs. For å redde seg sjølv om barnet som skal kome, skjøner ho at ho må rømme landet.

Historia er dramatisk, vakker, skremande og tankevekkande. Den skildrer eit vakkert Egypt, og eit stygt. Flotte tradisjonar i islam, og grusomheten i haldningar. Dette er ei av dei bøkene alle bør lese i løpet av sitt liv.

Forlag: Juritzen
Utgivelsesår: 2011

Sitat

“Silo” av Hugh Howey

Leseeksemplar frå Boklageret

 photo Silo_zpso369eee7.jpg

Altoppslukande science fiction. Det er lenge sidan eg har lese fantasy og science fiction, men denne boka fekk meg til å lese meir. Eg gråte inni meg over at bok nummer to i trilogien ikkje kjem før neste vår. Ukult. Men ja, Bazaar forlag har verkeleg fått inn ein fulltreffar med denne boka!!

Vi er i framtida (usikkert kor mange hundre/tusen år), og menneska bur i ein silo under bakken. Alle lev under streng kontroll, med spesifikke arbeidsoppgåver, strenge reglar når det kjem til ekteskap. Barn kan kun lagast dersom eit godkjent par vinn eit lotteri. Hovudpersonen er Juliette, som blir forfremma frå mekaniker til sheriff, siloens høgste autoritetsperson. Heilt til ho blir dømd til vasking – til døden.

Boka er nervepirrande som få! Synsvinklane skiftar på ein naturleg måte med kapitla, og sjølv om boka i førstinga er stappfull av informasjon, er den lettlest med korte kapittel. Spenninga berre auker og auker og auker… HERREGUD, bare les den! Passer for absolutt alle.

Forlag: Bazar
Utgivelsesår: 2015

Sitat

“Brevet til Stella” av Iona Grey

 photo Brevet til Stella_zpseszgsug1.jpg

I skrivande stund har eg tårer i auga. Ikkje berre i auga, men det renn nedover ansiktet mitt. Herregud, så trist og lykkeleg og fantastisk hjerteskjerande. Det finst gode bøker som ein gler seg til å lese i, som er gode og interessante. Og så finst det bøker ein ikkje kan leggje frå seg om ein hadde ynskt. Denne boka høyrer til den siste kategorien.

Boka handler om Jess, ei ung jente som rømmer frå ein valdeleg kjærast og tek seg inn i eit forlatt hus. Der finn ho brev frå Dan Rosinski, til ei kvinne som heiter Stella. Dei var kjæraster under andre verdskrig. Ho finn og eit nytt brev frå Dan, der han fortel at han er døyande. Og Jess bestemmer seg for at ho må finne Stella før det er for seint.

Boka er så perfekt. Eg lo og gråt, og eg smilte i massevis. Humoren og optimismen er gjennomgåande i heile boka, og han smittar. Eg har vel kanskje sendt eit par for lange, klissete meldingar til min eigen kjærast i løpet av dei timane (!) det tok meg å lese ut denne boka. For som sagt: eg kunne ikkje ha lagt den frå meg om eg hadde ynskt.