Dersom du likte Hålke av Helene Uri, er dette den neste boka du bør plukke opp. Eg vart ikkje like gripen, men skrivestilen er lik, oppbygginga liknar og humoren er like småfrekk.

Jan og Ingrid har vore gift i tjuefem år, og har to voksne søner som ikkje flyttar ut. Ingrid er komen i overgangsalderen, oppdagar at ho hatar omtrent alt og alle. Jan derimot, han finn seg ei femten år yngre dame som han er utro med i eit og eit halvt år. Det blir ganske morosamt og dramatisk etter kvart.

Historia er jo ein klisjé skriven på ein knallbra måte. Vi vekslar mellom Ingrid, Jan og Hannes synspunkt på omtrent dei same hendingane, men alle har heeeelt ulike idear om kva som faktisk hendte. Det er utruleg fornøyeleg lesing, og eg kan verkeleg anbefale den.

Forlag: Oktober
Utgivelsesår: 2016